Timtem Tashi – T.Ken 129:1-8.

Tekong 3 nung kija timatemba indang ashiba angur. “Alu alirtemi kü rungdong manung alu ala; parnoki meritsüng talang yanglu”. Kija taküm kangshiba noksa aika Laishiba nung angur: Tzüyim yipru ajangba, mi tesashi ajangba, tongpang rara ajangba aser khuret abenba. Kechiba ken züluri alu alabaji kija timatemba noksa ama amshi ?
Mapa kaji, nüburtemi paji jana amshir ta ken züluri bilem. Parnoki ashi, “Na alu nung jana ama lir, aser onoki iba alu onsatsü, aser nai kechi bilemer onoki au ta mali”. Asenoki Yisu asoshi lira, nüburi Pa amshiba ama asenoka amshitsü ta bilemang. Parnoki Pa jana-rüja ama amshi.
Iba noksa ochiba teyongtsüji alu alabaji alu rutsü asoshi lir. Kodang nüburi na jana ama amshidir, tai bushiba ne rungdong nung alenlokdir aser taitsüba agi ne rungdong tusadir, ya bilemtetang; alu rutsü asoshi Tsüngremi na renemtsüdagi.Kechi koma aluruba? Ibaji nai aremba metsü dak aket. Nai mang ayangba, tesempatep, tenük merem, mokok aji metsü remra alu rubaji taku asütsü. Saka nai Tsüngrem o metsü remra, temeim aser yimjung aser taremzük agi ne mulungjang nung yimsü südaktsüra, na ken zülur den Kibubaji Temeshi lir ta shitettsü- Pai iba tebilemtsü bentettsü. Idangji tekong 8 nung ashiba ama, alurubaji temoatsü ka alitsü: “Kibuba temoatsü nenok madak liang; Kibuba tenüng nung onoki nenok moatsür”.
Ne taküm nung nai alu ruba ka kanüra nai ali tusatsüla, atemtsüla aser tzü aintsüla. Kodang nüburi na jana ama amshidir, kodang alu alaba ama ne taküm tendangbaji alu alaba ama ne taküm ajanga odir, alu rutsü asoshi renemang. Tanü Tsüngremi na asoshi temoatsü alu ruba ka yutsür, anungji metsü shidak yoktsü bilemtetang.