Tinpatti-Naga Hospital lenmang shibanger

Dimapur, Rongchii (April) 10 (TYO): Kohima kübok Tinpatti-Naga Hospital (Bypass road) den sendaktepba lenmang nung mesenzütsü tetuyuba agütsür, ta Deputy Commissioner & Chairman RTA Kohima, Rajesh Soundararajan, IAS-i metetdaktsüogo.
Soul Harvest Church anasa gari lenmang anenzüka aoer ta PWD Department-i osang sangoktsüba sülen District Administration-i iba tesem tonga oa reprangdangogo. Iba dak sendakba nung senzüsenbongertem ajaki iba lenmang nung mesenzütsü tetuyuba agütsür, ta Rajesh Soundararajan-isa ashi.