Tinu- Lensar

~ P.Renthy Jamir.

Iba aener lima soli süli yimkong meimchir shilo balala tanak temesüng ajak ya asen tembar lir. Anungji kaketzülur ajaki item adianu ajangzüktsü Len sayutepa shisadanga bendener zülur. TINU-LENSAR ya medemer kati ka len sayutepba nübur ajak tajangzük angutsü züluba KAKET koba nung item onük densema lir.
Temeim mapa, Tesempatep, Imliren, Tetsür dak imli mali, O tajung jembiba, O tamajung jembiba, Tasüba indang, Tetsü temeim, Tebu temeim, Tamametet kinungtsü jembishinü. Item den tejen otsü Asürmetenla tatsü kar ken densema zülua lir.
Ano tongtibang onük 1. England yimli nung anü malur ta merena alidang asen lima arua Tawai aodang Lensar nem British nunger ashiokdaktsüba aser nokinketer Jongpongtoba Merangkong pa mang ayangba 2. Roto Lima takar Arensang aser Semermezüyong 3. Ainketer tulutiba ana Kimatsüng aser Pangyangtsüng ain toktepba 4. Aor sobaliba aser Khristan yimsü medemdangba nung rangloker Tenla kidang Funeral Service agiba aser Tatongluini mokoksüng ya Arasentsür ta putetba 5. Sangremer O Amitsürla na külakoktsütepba 6. Aor Arasentsür tulu Tsüknungtemshi, Unger tangar den toktepba 7. Khristan pur mapa meinyaki ken tena sarasadema (Divine Worship) amongba melena mapa meranga inyakbaji (Work Culture) temeshipur tajaba (Holy Calling) nung tongtibang shilem ta melenba 8.Amitsür ka agitsü magitsü England Chuba O Pope na bangsentepa Lai tekong balala tuyuteper tesü Chuba Arogo madak tokolak akümba 9. Ao Senden aser Asür Temjenükshi Teret.
Ano Lensar tajungtemi akümlir mulungdangtsü jembiba Shin O aser züluba parnok tenung tetetshia aliba Rev. A.Temjen Ao, Rev. Chubasowa (NCRC) Pamangyangba (Pentecostal) Rev. Longri Ao, Rev. Sosangmeren, A.Peter Pastor, Kitemsang Pastor, I.Aküm Kichu, A.M. Toshi Jamir. Item otsü aser onük den apet Lai tekong, Shin O (Proverb) tabensa inokja lir. Aser Lanur kari Ao kaketbo junga mezüngteter ta asüba agi English oshi nung oren aika amshia lir. TINU- LENSAR Kaket ya tulur tilar Takar Sensaker Tashir mashir ajak atema parnok inyakyim aser jembiba züluba kaket. Shinga aija masü, saka metongshitepa nübur ajangzüktsü asoshi bendener adoktsür. Iba kaket volume tulu masu.
Contact No:9436605328