Tip ajakba anepaluyim

Tekolak nung tip ajakba anepalutsü atema nisung aikati dandruff shampoo tapu balala aika amshir, ajisüaka item jagi mejungra kidang nai item yimya nung anepaludangtsü akok:-
Apple cider vinegar: Vinegar aser tzü kasa meyoktepang, aser nü tekolakküp/tekolak teküp nung nür aonung piyong yaung, iba sülen anepdang baby shampoo agi shidokang.
Lemon: Lemon ana-asem rangsar tzü marok 4-5 shi nung minute 15 shi meloang. Ibaji mekongba sülen iba jagi tekolakküp shidokang, hopta nung khenbosa yamaji anepalutsüla.
Lemon tzü agi massage: Tzü chigotsü anasa lemon tzü agi nü tekolakküp massage süang, ibaji ajanga tekolak nung tip ajakba nokdangtsü.
Antzü: Antzü/entzü ana junga aiteper nü tekolakküp nung nüang, iba sülen ghonda ka lir shidokang. Mapang shia yamaji anepaluba ajanga tip ajakba aser kou tzükba nokdangtsü.
Aloe Vera: Nü tekolakküp nung aloe vera nüang, iba sülen minute 20 shi lir shampoo agi shidokang, mapang shia yamaji anepaluba ajanga tip ajakba nokdangtsü.
Item dakji alia tip anepalutsü atema olive oil, neem tou aser rosemary tou amshia anepalutsü junger.
(Source-Internet)