Tir-i takok angur tetsür 100 chiyungdaktsü

New Delhi, January 22 (Agencies): ‘Beti Bachao, Beti Padhao’ scheme tenzüker küm ka ajungnü, Hokolbarnü, Rashtrapati Bhavan nung linük Tir, Pranab Mukherjee-i tetsür takok angur parnok 100 chiyungdaktsü.
Parnok ya ministry of women & child development aser Facebook na tangatettep nung linük nung nüburtemi benokba nisungtem rongnungi shimtetba lir.
Iba tetpoktepba tenüngji #100Women liasü aser ministry of women & child development indang Facebook page ajanga 2015 July ita nungi telemsa 20 tashi atema tenüng sarua liasü.
Iba tetoktepba asoshi benokba nisung 474 rongnungi tetendangertemi parnok nisung 200 mezüng shimtet.
Parnok teshimtetter 200 rongnungi 100 shimtettsü atema December 3, 2015 nü nungi public vote agitepba sülen parnok ya shimtet.
Telemsa balala kar yamai:- Ozüng agi tetsür aser parnok temeten kümzüka ayuba; sobaliba; kaketshisatsü; osangbener; rongsen ketdangser, industry & entrepreneurship; community mobilisation; temang anema aliyim; merükmeju; teinyaktetba tasen aser science & technology”.
Ano tanüngba telemsatemji yamai:- Achi ajemyim; saisapong; loktiliba nung tetsür ka shilem; tetsür ka tashi; aluyimba aser shiruru anepaluyim; shiruru atema teyari agütsüyim; matamabensartem; shisaluyim; lipoküm, arem aser yangji aliba shirurutem; alima nem India jangjadaktsüba aser child sex ratio jenjang nung terenlok.