Tir Kovind-i Greece, Suriname, Cuba semdangtsü apusoa ogo

New Delhi, Aami/June 16 (Agencies): India Tir, Ram Nath Kovind-i anogo ti tsüngda linük asem- Greece, Suriname aser Cuba semdangtsü atema tanü apusoa ogo.
Tang agi pezübenbuba Kovind-i Tir ka ama tanga linüktem semdangtsü aser Africa dak alaka tanga linüktembo tang mezüng semdanger asütsü.
Suriname aser Cuba semdanger mezüngbuba India Tirji pa asütsü aser 2007 küm Tir, Abdul Kalam-i Greece semdangba sülenbo tang mezüng Tiri Greece semdanger asütsü, ta Tir office-i tweet ka ajanga metetdaktsü.
Tir den pa kinüngtsü, Savita, Minister of State for Steel, Vishnu Deo Sai aser Lok Sabha züngsemtem- Dinesh Kashyap, Nityanand Rai aser ketdangser kari pa meina ogo.
Greece nung Kovind-i Tir, Prokopis Pavlopoulus, Ato kilonser, Alexis Tsipras aser Opposition lenir, Kyriakos Mitsotakis nunger ajurua senden amentsü.
Kovind-isa India aser Greek CEOs ajurutsü aser Greek think tank- Hellenic Foundation for Europe & Foreign Policy nung “India and Europe in a Changing World” onük jembitsü.
India aser Greece na tsüngda shishilembabaji US sen million 530 lir aser iba linük nung infrastructure, pharmaceutical aser steel sectors indang India nunger company tema lir.
Greece nung India nunger senso 12,000 lir, aser Kovind-i parnok den-a jembitsü.
Greece semdangba sülen Aami/June 19, 2018 nü Kovind-i South America nung aliba linük, Suriname semdangtsü.
Kovind-i Suriname aser Cuba na semdangba ya India-i Latin America den tesendaktep tyajung yunüba den sendaktepa lir. Suriname nung pai health & information technology densema onük kar nung tezüngzüktep agitsü imlar.
Suriname nung Kovind-i Vivekananda Cultural Centre amenoktsü atema lung azünga yutsütsü. Aami/June 21 nü Kovind-i Suriname nung International Yoga Day nung shilem agitsü aser tesüsa Cuba semdangtsü.