Tir Pranab-i Israel Parliament nung o jembi

Jerusalem, October 14 (Agencies) : Bodbarnü India Tir Pranab Mukherjee-i Israeli Parliament nung o jembidang India-i Israel den tesentaktep tajung yanglunür ta ashi.
India nung Tir kati mezüng Israel linük semdangbaji tan Pranab Mukherjee-i semdangba ya asütsü.
Tir Pranab-i Israeli Parliament, Knesset nung o jembidang, United Nations security council nung India teti atema züngsem akümtsü inyakba mapa nung Isarel-i pusema nungitba atema pelaba metetdaktsü.
Tanü Parliament nung madendang, Israel Tir Reuven Rivlin’er kidang Pranab Mukherjee nem ceremonial reception sentong agia liasü.
“Tawa alima nung ozüng alema inyaksangshiba osangtem angashia onok mepelar. Mangatettep ken o ajak yimjung nung timi angatetteptsü atema onoki (India)-i teti jembia arur” ta Tiri ashi.