Tir Pranab Mukherjee-i GST indang bill pezü agizükogo

New Delhi, April 13 (Agencies): Brihostibarnü Tir, Pranab Mukherjee-i Goods and Services Tax (GST) dak sentakba bill pezü agizükogo.
Bill pezüji- Central Goods & Services Tax Bill (CGST), Integrated Goods & Services Tax Bill (IGST) Goods & Services Tax (Compensation to States) Bill aser Union Territory Goods & Services Tax Bill (UTGST) lir.
Item bills ya April 6, 2017 nü Parliament nung agizüka liasü.
C-GST ajanga good & service atema GST sarutsü asoshi Centre nem tashi agutsür, ano I-GST ya inter-state supplies saru alitsü.
S-GST ajanga VAT aser state-i sarubatem GST nung loktepba sülen state tem nem saru sarutsü tashi agutsür, aser iba ya state assembly shia nung agizüktsüsa akumtsü.
Ano GST rates bo May 18-19 anogotem nung ang GST Council-i lemtettsü.
GST Council nung ya Centre aser state tem naprong nungi züngsemtemi akumba lir aser parnoki four-tier tax structure – shilem 5, 12, 18 aser 28 benokogo. Highest slab nung luxury aser demerit goods nungi cess alitsü, koba ajanga GST mapa küma benokba sülen küm pongu tsüngda saru nung takoksa anguba state tem nem sen temenok agutsütsü.
Central excise duty indang saru balala, central sales saru aser service saru ji C-GST nung lokteptsü, S-GST nung state sales saru, VAT, luxury saru aser entertainment sarutem lokteptsü.
GST ya taküm July 1, 2017 anogo nungi tenzüka mapa küma inyaktsü sorkar sentong lir.