Tir, Ram Nath Kovind-i Croatia, Bolivia aser Chile semdangtsü

New Delhi, March 22 (Agencies): Taruba hopta Tir, Ram Nath Kovind-i Croatia, Bolivia aser Chile linüktem semdangtsü, aser iba mapang nung pai item linüktem nungi lenirtem den ken o jembia shishilembaba, investment aser renewable energy nung tesendaktep tashi itshitsü merangtsü.
Kovind-i March 25-28 anogotem nung Croatia semdangtsü aser ibaji India Tir kati iba linük tang mezüng semdanger asütsü, ta Ministry of External Affairs Secretary East, Vijay Thakur Singh-i metetdaktsü.
Iba mapang nung pai India-Croatia Business Forum nung shilem agitsü aser University of Zagreb nunga o jembitsü. Paisa Croatia Tir, Kolinda Grabar-Kitarovic aser Croatia Ato kilonser, Andrej Plenkovic na ajurutsü, ta Singh-i ashi.
March 28 nü Kovind, Bolivia linüki aotsü aser linük ana tesendaktep atema jembitsü.
Paisa Bolivia Tir, Evo Morales aser ketdangsertem den senden amentsü.
Pai India-Bolivia business senden nung shilem agitsü aser university students den jembiba den India nunger ajurutsü.
March 30 nü pa Chile-i aotsü aser pai business senden ka nung shilem agitsü, University of Chile nung jembitsü aser India nunger ajurutsü, ta Singh-i metetdaktsü.
Chile nung Renewable energy aser defence nung linük ana amalitepa inyaktsü atema pai jembitsü, ta kasa osang ajanga metetdaktsü.
April 20 nü pa India-i meyipa aruba mapang nung Cape Town, South Africa nung anenzüktsü aser iba mapang nung pai taoba mapang South Africa Tir, asür Nelson Mandela nem akhüm agütsütsü aser India nunger ajurutsü.