Tir tenangzükba agiba sentong nung Acharya adentsü

Kohima, July 24 (TYO): India Tir tasen shimba, Ram Nath Kovind-i tenangzükba agiba sentong nung adentsü atema Nagaland Angh, P B Acharya tanü Delhi-i ogo saka Chief Minister T R Zeliang bo iba sentong nung madentsü.
India nung Tir 14 buba inyaktsü aliba Ram Nath Kovind-i asüng Delhi nung tenangzükba agitsü.
Angh tanü Delhi-i aotsü aliba agi Cabinet Minister E E Pangteang tenangzükba agiba sentongji tanep yakta agitsü ayongzük, ta Raj Bhavan osang ka ajanga metetdaktsü.
Raj Bhavan nung cabinet minister tenangzükba agiba sentong nung TR Zeliang-i osangbenertem den sensaksemdang, “ni mapa kar inyaktsü lir aser iba jagi Kovind tenangzükba agiba sentong nung medentettsü” ta ashi.