Tir Yimyim web nung züngtettsü

Dimapur, July 06 (TYO) : Tir Yimyim osangkaket pei ket tonga marudangyongi internet ajanga computer aser mobile phone nung züngtettsüsa July 6, 2015 Hombar nü nungi website tajungba küma yanglushir osangtsüsang agütsü tenzükogo.
Anungji, alima tesem balala nung alirtemi pei lima nung atalokba metetnüra Tir Yimyim website tiryimyim.in nung azüngtsü akoktsü.
Tang tashi nung Nagaland nung Naga nunger oshi nung adokba osangkaket hopta nung anogo tenetnüprongla adokba aser website nung alima nung alir ajaki züngtettsüsa osang agütsüba osangkaketjibo Tir Yimyim ya dang asütsü.
Iba website ajanga alima nung tatalokbatem metetba aser onük balala nung Olemsabang ajanga shisalemsatepba den külemi ano pei tebilemba zülutettsüsa yangluja lir.