Tirong Aboh tepsetba ken o nung NSCN (IM) pur ka apu

Delhi, Mongputeni/October 8 (Agencies): Arunachal Pradesh, West Khonsa MLA Tirong Aboh den tanga ter tepsetba ken o nung National Investigation Agency (NIA)-i NSCN (IM) lenir tongti ka puogo.
NIA ketdangseri ashiba agi, aija alisang ya Ellie Ketok ta jangjaogo aser pa Dimapur nung local Military Intelligence (MI) unit den longjemer puogo.
Ketok ya NSCN (IM) sergeant major aser pa Tirap temeket tesem commander lir.
Pa ya 2019 küm May ita 21 nü Tirong Aboh tepsetba telok nung densema liasü, ta ketdangsertemi sangdong ka ajanga metetdaktsü.
State sorkari central investigative agency nem iba ken o bendanga agütsüba sülen NIA iba ken o ya June ita nung bushitsüngdang tenzük.
Aija alir; Sethok Kangnong, Napong Jenpi, Jai Kishan Sharma, Luckin Mashangva aser Yangte Josaham nunger taoba mapang nung puogo.
National People’s Party (NPP) lenir Tirong Aboh, shiba West Khonsa Assembly menden nungi maneni tokteptsü asoshi sentong yanglua liasü, pa Dibrugarh nungi par constituency-i meyipa arua aliba mapang tepset.
Telungpurtemi Tirap district kübok Bogapani yimtsüng anasa 11:30 shia nung Aboh mena aliba gari maka pa aser pa den külemi senzürtem tepseta liasü.