Tamil Nadu, January 12, 2016 : Tanü Tamil Nadu, Tuticorin district, Manapad tzüküm nung whales ango tasü pongteta aliba neburtemi reprangba yangi noksa nung angur.
Tuticorin, January 12 (Agencies) : Tanü anepongi Tamil Nadu state kübok Tiruchendur district Manapad tzüküm nung baleen whales ta ajaba ango tasü 30 tashi pungteta liasü aser ano ibala mesükba ango tasü tilala-a 250 shi kasa tesem nungsa angu ta ketdangsertemi metetdaktsüogo.
Iba osang angashia fisheries department nungi ketdangsertem tesem tonga oa reprangogo aser koda sür ibala ama ango tuluji asütsüsa aküm ta bushisüngdangtsü tenzükogo.
“Iba ya temangmangtsüka lir aser kodaser Whale 30 tashi asütsüsa aküm, yabo junga bushitsüla ta fisheries department nung ketdangser Marine Scientist Velumani-i metetdaktsü.
“Kodaser ango paika ya asü, ibayabo tang tangbo mepushitettsü” ta Tuticorin fisheries department nung Assistant Director Amal Xavier-isa metetdaktsü.
You must be logged in to post a comment Login