Titanic II rong 2018 küm nungi senzütsü

Titanic rong mesüka yangluba Titanic II rong 2018 küm nungi senzütsü. Iba rong yanglutsü atema Australia nunger billionaire, Clive Palmer-i senotsü peria indoka yangludar. 1912 küm April ita nung Titanic rong agi rürlung tulu ka dak atsükba sülen tzü telungi ia nisung jenti asü. Titanic II rong ya shitakba Titanic rong mesüka yanglutsü. Ajisüaka mezüng rong dang nungi tajungba asütsü, kechiyong rong tasenba nungbo satellite controls, digital navigation, radar systems aser Putu 21buba nung yangluba rong nung aliba aika alitsü. Titanic II rong nung first, second aser third-class tickets alitsü aser tamentep 9 aliba rong nung passenger 2400 aser crew 900 asemtsüsa cabin 840 alitsü. Rong nungsa Turkish baths, swimming pool aser gymnasiums alitsü.