Titans CC 25 buba MDCA asayamong champions akümer

Titans CC teloki 25 buba MDCA Inter Club Cricket Tournament takok marok agizükba sülen MDCA ketdangsertem den agiba arok noksa ka yangi angur. (Mokokchung, January 16)

Dimapur, January 16 (TYO): Titans Cricket Club-i runs 5 agi Sovran Cricket Club telok madak final asaya koka 25 buba MDCA Inter Club Cricket Tournament champion tanü Honibar nü Mokokchung kübok Imkongmeren Sports Complex nung kümogo.
Titans teloki tan agi takok marok 3 ben tashi agizüka küm 25 tashi asayaba MDCA asayamong indang takok marok 3 ben tashi agizüker telok mezüngbuba küma otsü tasen yangluogo.
Longsasunep aser Akumdong nati runs 43 aser 27 yangluba densema, par Titans teloki tanü overs 20 nung runs 117 tashi yanglu.
Tesülen, Thejasol o Michael nati runs 37 aser 15 yangluba densema, par Sovrans teloki Titans teloki yangluba runs ajangteta takok angutsü merang.
Ajisüaka, par teloki overs 20 nung ajak agi runs 112 dang yanglutetba yong par teloki tanü final asaya mekoktettsüsa jenjang ajuru.
Titans asayar, Longsasunep-i bowling aser batting naprongla nung kanga junga shilem agiba nüngtem nung pa nem tanü final asaya indang Man of the Match sempet agüja liasü.
Asaya tembangba sülen, champions telok, Titans asayartem nem kulikaket aser senpet sen den külemi, takok maroka agütsü.
Par teloki asayamong indang takok marok 3 ben tashi agizükba yong Titans teloki takok marokji teti atema ayutsü temetena nguogo.
Tan asayamong indang asaya 5 nung wicket 11 tashi agisang, Longsasunep nem Player of the Tournament aser asaya 4 nung ajak agi runs 148 yanglusang, Skylark asayar, Nripen nem Highest Scorer of the Tournament agüja liasü.