Titans’ o Züngamedem aser Skylark o Viking na semi final asayatsü

Mokokchung, March 23 (TYO): Brihostibarnü yangi Imkongmeren Sports Complex Mokokchung nung 2buba Master Shield Cricket trophy quarter final match Vikings aser Titans ‘A’ na asayaba Viking-i run 63 agi Titans ‘A’ pur tsükdakja par telok semifinal asayatsü jenjang tongogo.
Tanü Vikings-i toss koka parnoki mezüng bat asütsü shimtet aser parnoki over 20 nung wicket 4 tsüker run 152 yangluteta liasü. Titans A-i iba run-ji arishitsü meranga asaya saka over 19.2 aondang run 89 dang yangluteter wicket ajak tsükadok.
Iba asaya nung Vikings nungi batsman H.Teron-i 63 runs aser Ganesh-i 44 runs par telok atema yarisemba den ano bowler Longkum, Yanger, Sajit aser Apir par pezüi wicket anana agiba ajanga par teloki Titans ‘A’ madak takok tulu ngua liasü.
Mar 24 Brihostibarnü anepdang 8:00 ako nungi tenzüka mezüng semifinal match Züngamedem o Titans na asayatsü aser yaküm champion Skylark o Vikings na tanabuba semfinal asayatsü lemzüka lir. Honibarnü (Mar 25) final match asayatsü ta angazüker. Iba asayamung ya Mokokchung District T20 Cricket Federation-i ayongzükba lir.