Tiyazü CBI ketdangser ka police ket nung agütsü

Guwahati, November 11 (Agencies) : CBI ketdangser ta tiyazü shia mapa inyaker Bojendra Talukdar ta ser nisung ka lanurtemi police ket nung agütsü, ta Bodbarnü Goalpara Police-i metetdaktsü

Talukdar-i lanur aika nem mapa agütsütsü ta tiyazü nung külakoktsü ta police-isa ashi.

“CBI nung mapa agütsütsü ta tiyazü nangzüka pai lanurtem ket nungi sen meyirjang aika meshia agi, saka lanur kari pa indang shitakba maitsü metet aser pa pur police nem agütsü” ta police ketdangser kati ashi.