Tiyazü jembiba yimya sübaba

Kati ka den tiyazü tejembi, kechiaser asenoki nisung tejen pa mapa den semzüka endokogo. Kolosi 3:9
Rick Pitinoi ashir, “Tiyazüri tarutsü tebilemtsü nung shilem ka yanglur, ochibai ibai tesüiba shilem ka yanglur.” Kodang nai ochi jembidir, nai kechi ashi aji kodanga mebilemtettsü. Takok anguba tiyazür ka asütsüsa shinga tebilemtetba tajung mali.
Tiyazüji jenbutsü lenmang tajung ka amai. Saka iba yagi tang ne tebilemtsü yarira, iba yagi ne tarutsü mangdang ramia kümdaktsütsü, sarasadem nung Tsüngrem tsüngdang temulung melemi kümdaktsütsü, aser nai tangar tsübutsüsa kümdaktsütsü. Iba tamajungba na tiyazü agi dang kümdanga alitsüsa asütsü. Tiyazü kaji shidak ta shidaktsütsü asoshi tiyazü jembitsüla. Tiyazüji ochi agi kümdangtsü makok kechiaser ochibai tiyazü dangji masü ta ashir, hau ta mashir.
Ozüng tulububai ashir, “Nai tiyazü tejembi”( Anitet 20:16) aser ibai amshitsü tasaktiba kümdaktsür. Tangari na tajung ta shidaktsütsü dang nai tiyazü jembia lir asü ?
Kaket zülur kati ashir: “Tiyazü nung teimla ayubaji teti tesama tetenzüker lir. Tiyazü aser tesadang ochi kimong nung yanglutsü kodang temerang. Iba yagi menokdaktettsü. Nai Tsüngrem den temulung lema jajanüra, ochi nung jajatsü tasütait agüjang ta Pa dang asüngdangang.
Kechi agi Tsüngrem sentong raksatsür aser Pai koleni aninür, ibalen jagi moudaktsüba kechisa lir aji bilemtettang.