Tizit nung coordination senden amen

Dimapur, Anejeti/January 16 (TYO): Taruba Republic Day anogomung atema January 16 nü Tizit ADC conference hall nung coordination senden ka menogo.

Senden nung Republic Day anogomung atema mapa balala department aser riju balala nem lemzükja liasü.

SDO (Civil), Tumben P Tsanglao, shiba lenisüba nung iba senden mena liasü, pai ken o dak sendaka alir ajak dang pei nem lemzüktsüba mapa nendak inyaka Republic Day ya takok ngua amungtsü mepeshia metetdaktsüogo.

Office tekolaktem, shisaluyim rijutem, lokti lenirtem, NGO tem, kiyong balala Chairmen aser CB temi iba senden nung shilem agia liasü.