TMC MP, Sultan Ahmed süogo

Kolkata, September 04 (Agencies): Taoba mapang Union Minister inyaksang aser Lok Sabha nung Trinamool Congress MP teinyakdak, Sultan Ahmed tanü temelungjang tashidak agi süogo.
Arishi küm 64, Sultan-i kinüngtsü den jabaso ana toktsür alima nungi pilar.
Ahmed temang mejungi küma Kolkata nung aliba nija hospital kati ilonga anir ao, ajisüaka pa tasü bener aruba liasü, ta hospital osang ka ajanga metetdaktsü.
Pai TMC ticket nungi Uluberia constituency nungi toktepa takok ngua liasü.
Taoba mapang UPA yimsüsüba kübok Ahmed ya Union Minister of State for Tourism inyaka liasü.
Pai West Bengal Assembly nungi anaben takok nguogo.
Chief Minister, Mamata Banerjee-i mangyim lemsatepa, “Tang teinyakdak MP aser kü tembar, Sultan Ahmed alima nungi pilaba osang angashia aoksar aser jashir. Par kibong den mangyim lemsateper,” ta metetdaktsü.
West Bengal Angh, Keshari Nath Tripathi-ia mangyim osang lemsatepogo.