TN election atema Congress-i candidate teku sangdongogo

Chennai, April 23 (Agencies): May 16 nü Tamil Nadu assembly election nung Congress-i DMK den lokteper tokteptsü, aser iba election atema yasüng Congress-i candidate teku tenüng sangdongogo.
Congress general secretary Madhusudan Mistry-i sangdongba candidate temji- Nasey R Rajesh-i Maduravoyal menden nung tokteptsü, Karate R Thiyagarajanom (Mylapore), K Selvaperunthagai (Sriperumbudur) aser Dr M K Vishnuprasad (Cheyyar) nunger lir.
Tanga candidate temji P Gopi, Sreeraj Chokkar, Rani Venkatesan, S Rajeshkumar aser B Ramachandran nunger lir.
Anogo ishika tejaklen Congress-i candidate tenüng 33 sangdonga liasü. Assembly menden 234 nungi DMK-i Congress nem menden 43 lemzükja liasü.
Congress lenir, Ghulam Nabi Azad aser Mukul Wasnik nati DMK tongti, M Karunanidhi den senden amenba sülen Congress-DMK tekoktep yanglua liasü.
State nung May 16 nü election agitsü aser May 19 nü election osang sangdongtsü.
State nung tang sorkar tashi nung aliba AIADMK-i aniba teloktep aser DMK-i aniba teloktep na tongti ser tokteptsü.