TN nung yi ayokba dokan 500 shibangtsü tuyu

Chennai, June 19 (Agencies): Tamil Nadu Chief Minister, Jayalalithaa tetuyuba kübok state sorkari June 19, 2016 nü nungi tenzüka state meyong yi ayokba dokan 500 shibangtsü atema Honibarnü tetuyuba agüja liasü.
Sorkar sangdong ka ajanga ashiba agi, MD, Tamil Nadu State Marketing Corporation, Kirlosh Kumar-i, June 19 nungi tenzüka yi dokan 500 shibangtsü tetuyuba agütsüogo.
Kasa temetetdaktsüba nungsa, item yi dokan nung inyakertem nem mapa tanga agütsütsü atema teinyaktsü mapa balala metetdakja lir. Parnokji district nung mapa tazüng alidak anioktsütsü mesüra tesem nung nübo nüngdakba apir mapa nung anioktsütsü.
May 16, 2016 nü agiba Assembly election atema nüboyimba mapang Jayalalithaa-i, mapang telemsa yur state nung yi nokdangtsü ta nangzüka liasü.
Lai election nung takok anguba sülen state nung yi nokdangtsü atema lai mezüng agiba meraji- state meyong TASMAC outlets (yi ayokba dokan) nung shishilembaba mapang ajemdakja liasü.
Mezüngbo yi ayokba dokantemji anepdang 10:00 ako nungi aonung 10:00 ako tashi lapoktsü temelaba agüja liasü, saka shishilembatsü mapang ajemdakja anüngdang 12:00 ako nungi aonung 10:00 ako tashi dang shishilembatsü mela.