TNWF-i wako aser temzüng nung ammeter

Dimapur, September 30 (TYO): National Socialist Council of Nagalim (NSCN) nung Tenyimi National Workers Forum (TNWF)-i July 16, 2016 Resolution No. 1 nung ammeta lir, ta MIP sangdong ka nung metetdaktsü.
Iba ya Naga linük wako aser temzüng dak sendaka lir aser TNWF züngsemtemi Indo-Naga yimten telemtetba nung wako aser temzüng medenra, magizüktsü ta nangzükogo, ta MIP-i ashi.
TNWF-isa Yaruiwo Q.Tuccu, Vice-Yaruiwo Tongmeth Wangnao aser Ato Kilonser Th. Muivah nunger lenisüba kübok noktaktsü ta nangzükba osang metetdaktsür, ta parnokisa shisem.