Tobu nung SDPDB senden amen

Tobu, January 17 (TYO): January 17, 2020 nü Tobu nung SDPDP senden amen; iba senden ya ADC Tobu, Mudongoyi Chuzho leniba nung amen, ta ketdangsertem osang ka ajanga metetdaktsü.
Senden nung police station Tobu aser 6 NAP Poyang post na nung nübo tali agütsütsü, V.G tobu village aser Tobu town nem prangpong agütsütsü aser Tobu Hq. nung recruitment board temeja ka tentettsü atema o lemtepa liasü.
Kasa senden nung Govt. Higher School Tobu HQ nung HM mesüra AHM agütsütsü, Tobu nung BSNL service maliba aser sub Treasury office Tobu nung maparen tangsa tenzüka inyaktsü atema jembia liasü.