‘Toff Guys’ atema Colin Farrell aniokogo

Luchii/December 01 (Agencies): Guy Ritchie indang taruba film ‘Toff Guys’ nung actor Matthew McConaughey den külemi Colin Farrell-i shilem agiba angutsü. Colin aser Matthew dak alaka, iba project nung Henry Golding, Hugh Grant aser Jeremy Strong nunger densema lir.
Osang ka ajanga angazükba agi, iba project nung actress Kate Beckinsale melena Michelle Dockery aniokogo.
Iba film nung McConaughey-i businessman ka shibai gangja (weed) shishilembaba tulu ka yangertetter aser kopi meli pai iba mapa toktsütsü merangba indang asütsü.
Dockery-i businessman (Matthew) kinungtsü shilem agiba angutsü. Kasa project nung Golding-i Vietnam nunger gangster lennir aser Grant-i photographer ka shilem agiba angutsü.
Farrell-i character ka tenüng agi Coach ta sür MMA fighter trainer shilem agitsü.
‘Toff Guys’ film atema Marn Davies aser Ivan Atkinson na den longjema Ritchie-i script zülutsüogo. Production dak sendakba maparentem tenzüka inyaka odar.