Tohoi Village Tobacoo Free kümogo

Dimapur, April 25 (TYO): Niuland Sub-division kübok Tohoi village ya Dimapur district nung Tobacco free yim tanabuba kümogo, aser ibaji Village Council, Arogo, GBs aser tesayurtem tawa senden amendang lemteta liasü.
Iba nükjidong ya yim nung anema-alibaren jenjang ajungkettsü aser lanurtem moko nungi kümzüktsü atema lir.
Yim telongtet nung moko chiyungtsütem ayokertem dang village council-i senchi tulu achitsü, ta osang ka ajanga metetdaktsü.
Iba dak sentakba nung Dr. C Tetseo-i, tatishitsü tajung sayuba atema Tohoi village nem tenüngsang agütsüba den külemi tanga yimtsüngtem danga moko nokdangtsü atema ajungshia liasü.