Tom Cruise-i Emily Thomas aniasüngtsü akok

July 26, 2015: Osang dang shitak süra Hollywood star Tom Cruise o pa indang assistant British tsür arishi küm 22 Emily Thomas na meimteper aser pai la aniasüngtsü renema dang lir.
Arishi küm 53 Tom Cruise aser Emily na 2014 küm ajurutepa liasü. Iba mapang nung Mission: Impossible – Rogue Nation film atema Tom-i pa assistant ama inyaktsü asoshi Emily hire süa liasü.
Daily Mail osang ajanga ashiba agi, “Tom-i Emily kanga meimogo aser laia kasaji pa meimer. Pai la aniasüngtsüa akok ta telung nungbo jembitepdagi.”
Mission: Impossible – Rogue Nation nung Emily mapa ajanga Tom kanga temelung süa liasü aser taruba project tem nunga pai la nübo aginür ta pai sangdongogo.
Mission: Impossible – Rogue Nation dak alia Tom indang film Mena nunga dena külemi inyakogo. Iba film tangokba mapang nung dena mepilateti liasü.
Honibar nü osang ka ajanga ashiba agi, Hertfordshire nungi millionaire banker jala Emily-ia Tom kanga meimer.
Tan hopta Star magazine ajanga, Cruise-i laji kinüngtsü pezübuba südaktsüner ta ashi.
Tamalen Tom kinüngtsü asemji- Katie Holmes, Nicole Kidman aser Mimi Rogers nunger liasü.
Emily’er medemer kati, “Lar kinünger ji aika den tesentaktep junga lir aser lai Theo Walcott adianu Ashley dena medemogo aser Walcotts kibong junga meteta lir ta shiogo. Shibaibo film star ka den kibong mekümnütsü (?),” ta ashi.
Daily Express osangkaket janga ashiba agi, ‘La ya tetsür tajung ka lir aser film business nung ajemoktsü asoshi lai kanga meranga inyaker. Mapang tatsü ka nung lai kanga junga inyaktetogo.”