Tom Cruise-i ‘The Mummy’ nung shilem agitsü

Los Angeles, January 24 (Agencies) : Hollywood actor Tom Cruise-i 1999 superhit movie ‘The Mummy’ tanaben yangluba film nung shilem agitsü.
Iba film nung ‘Kingsman’ actress Sofia Boutella-ia shilem agitsü aser June 9, 2017 nü sayatsü ta The Hollywood Reporter osang ajanga metetdaktsü.
Mezüngbo iba film ya March 24, 2017 nü sayatsü ta sangdonga liasü.
Iba film yagi ‘World War Z 2’ aser ‘The Divergent Series: Ascendant’ na den tokteptsü.
Arishi küm 53 tain Tom Cruise aser arishi küm 33 tain Sofia Boutella nati komala shilem agitsü-ar ano mejangja saka angazükba agi iba film nung tetsür mummy kati nisung tamajung ama shilem agitsü.
Universal-i kanga dang nüngtugu film tejentem- Dracula, Frankenstein, Invisible Man, Bride of Frankenstein aser Van Helsing tem yanglushia adoktsü merangba maparen nung ‘The Mummy’ ya densema lir.
Alex Kurtzman-i iba film direct asütsü aser paisa creative team ketdangsüa reprangtsü.