Tom Cruise-i Top Gun 2 film title metetdaktsü

Los Angeles, June 4 (Agencies): Actor Tom Cruise-i 1986 küm sayaba nüngtugu film ‘Top Gun’ tatongtep film tawa Access Hollywood den sensaksemba mapang metetdaktsüogo. Iba taruba film indang tenüngji Top Gun: Maverick asütsü.
Cruise-i ashiba agi, iba film taoba film den style bo kasa shi dang asütsü aser score-a original composer, Harold Faltermeyer-i renema kasa shi dang asütsü, ta osang ka ajanga metetdaktsü.
“Iba film ya tetoktepba film ka asütsü aser onoki machine tulu aser tekara amshitsü,” ta Cruise-i ashi.
Film title sangdongba mapang Cruise-i film nung shilem agitsüpurtem indang kecha mashi, “Iba indang asenoki mejembitettsü. Nenoki tereprang dang reprangang” ta pai ashi.
Cruise-i iba film yanglutsüba indang hopta ishika tajakdang Australian TV show ka nung metetdaktsü.
1986 küm iba movie director Tony Scott aser Tom Cruise na 2012 küm ajurutepa Neveda nung ‘Top Gun’ movie tanabuba yanglutsü asoshi tesemtem reprangdanga liasü saka tena ajurutepba sülen ita tatemlen director ya suseta asü. Iba ajanga Top Gun tatongtep film yanglutsüba sentongtem khen atema anena ata.
Aji süaka taoba küm June ita iba film production company Skydance indang CEO David Ellison-i “Top Gun 2” film otsü nung Cruise indang character, Maverick temolung dang yur züludar ta sangdonga liasü.