Tom Hanks-i pa sapur ka nem typewriter ka sempet agütsü

Los Angeles, November 25 (Agencies) : Actor Tom Hanks-i pa noksasa yanglur, pa sapur ka nem typewriter ka sempet agütsü.
Bodhbarnü actor Hanks-i Denise Esposito nem memetetdaktsüi lia iba sempet agütsü, ta dailymail.co.uk osang ajanga ashi.
Hanks-i noksa yanglula dangi typewriter den shidi ka dena zülur yok aser iba shidi nungji: “Movie ajak atema nai yangluba noksatem indang kaket atema…Na nüngdak nung amshitsü atema…ano noksa jenti yangluang! Kangasa pelar. Tom Hanks,” ta zülua lir.
Esposito-i, “White House nung tan hopta tetenzüklen Presidential Medal of Freedom agizüksang aser “Sully” film nung shilem agisang actor, Hanks den October ita Rome nung Film Festival mapang ni ajuruogo,” ta website LAist dang ashi.
Lai Tom Hanks film tem nung shilem agiba noksatem yangluba kaket ka adokteta lir.
September ita Central Park, New York nung Hanks-i kiyim kuli agili aliba kibong tasen ka ajurua tena den selfie kar tangoka liasü.
Ano 2012 küma noksa tangoker nisung ishikati North Dakota nung aliba restaurant ka nung Hanks den pa sapur nisung ka yi agi mesepba jilu ia tangokba noksa ka sayua liasü.