Tom Hiddleston-i akümli piyong Taylor Swift den linür

July 23, 2016: Night Manager actor, Tom Hiddleston-i pa akumli piyong tedong, Taylor Swift den külemi linür. Tena medemer ita ka shi dang süaka pai la nem aniasüngba kuri agütsütsü atema bilemdar.
Osang ka ajanga ashiba agi, arishi küm 35 British actor Tom-i Love Story ken atenla Swift den kibong küma linür.
“Taylor aser Tom na kati ka meimteper. Pai la dang, pa den akumli piyong alitsü atema laji tetemsü tetsür ka lir ta shiogo,” ta kasa osang ajanga ashiba E! Online ajanga metetdaktsü.
Arishi küm 26 kentener Swift-i taoba mapang temeimtepertem den la pilaba nung ajemdaker züluba kentem ajanga la nüngtugu akum, aser maneni tedong tasenba ajanga tena nüknüraba ken zülutsü ajungmesor.
“La mapa meinyakdang la jangratema amunger. La ainlen senzüdang ken zülur aser la kenten maparen nung Tom ji la atema ajungmesor ka lir,” ta kasa osang ajanga ashi.