Tomlinson-i noksa tangoker ka den asatepba sülen apu

March 5, 2017 (Agencies): One Direction nung kentener Louis Tomlinson Hokolbarnü, Los Angeles International Airport nung noksa tangoker ka den asatepba sülen apu.
Tomlinson aser Eleanor Calder na khu agizüktsü asoshi ataya alidang iba ya atalok. Tomlinson aser Eleanor Calder na küm 4 tashi kazür 2015 küm pilaba sülen tang ano maneni kazüdar ta olulu jembidar.
Osang ajanga ashiba agi Tomlinson-i noksa tangoksang pa dangi kanga anasa arur ta bilemba sülen dena kati kadak anung tenzük aser mapang tatsüka lir iba nisungba tesüleni laoa tekolak atem nung atsük.
Iba tesem nung aliba tetsür kati Calder record asü tenzük koba ajanga dena tsüngda nunga mangatettep adok.
Iba sülen Tomlinson pua LAPD jail kati anir ao.
“Louis kanga mepelai liasü. Pai noksa agisang dang noksa metangoktsü asoshi mepishi, saka pai mangaba ajanga dena tsüngda mangatettep adoka nungtep tenzük koba airport security-iang arua bendangtsü,” ta osang ka ajanga metetdaktsü.
Tomlinson aser noksa tangoksang naprongla ‘section M’ kübok aitsüa apu, saka tangbo dena prongla jiokogo. Tomlinson March 29nü okadak obendangtsü.
“Noksa tangoksangi Louis meinprongba ajanga iba ya atalok. Mapang aben noksa tangokertemi celebrity yamai meinpronger. Noksa tangoksang den pa asatepa alidang tangar asemi pa tedong meina aliba ajanga pai la kümzüktsü asoshi iba ya inyak,” ta Tomlinson indang lawyer Martin Singer-i ashi.