Top Acts grand finale nung Kemesanou Vivian-i takok angu

Kohima, Aenjeti (January) 27 (TYO): Yangtepnü aonung Capital Convention Centre, Kohima nung Top Acts grand finale nung North Field School nungi Kemesanuo Vivian Belho-i takok angu; iba sentong ya Muskan Youth Center of Family Planning Association of India Nagaland Branch den 4Life & LifePro Sound Solution nati senteper ayongzükba liasü.
Grand finale title atema artists ajak agi parnok 11-i shilem agia toktepa liasü.
Iba tetoktepba nung tetendanger pezü liasü, aser Belho-i Wizard of Oz nungi soundtrack “Over the Rainbow” ken tena iba title anguba den senpet 10,000/- den citation certificate angu. Sempetji 4Life International Diamond Dr Amen Walling-i sponsor asüba liasü.
Life Pro sound solution kibur, Thejakielie Zuyie-i shilem agir ajak nem sempet lema agutsü aser Dr Amen Walling-i takoker nem certificate aser senpet agütsü. Kasa sentong nung tejaoker Artists Senti Semy aser Dieze Sothu nati ken ajanga shilem agia liasü.
FPA India Nagaland branch General Managar, Vincent Belho-i, Top Acts sentong ya tanur artist tem shilem agitsü aser parnoki Art balala nung parnok sempet jangjadaktsütsü nükjidong nung tenzükba sabang ka lir, ta metetdaktsü.
Muskan Youth Centre of FPA India Nagaland Branch-ia, Top Acts season 2-i mezüngbuba edition ji Rongchii (April) 28, 2018 nü tenzüktsü, ta metetdaktsba den külemi tsüraburtem, school ketdangsertem aser Arogotem dang pei chirnur Top Acts nung shilem agia toktepdaktsütsü ajungshia liasü.
FPA India Nagaland Branch ya voluntary agency ka lir aser parnoki Sexual & Reproductive Health & Rights atema inyaker.
Muskan Youth centre ya lanurtem longjemtsü aser külemi pei tashi meteta angazükteptsü atema tesem ka lir.