TOP Committee mendenbuba Abhinav Bindra shimogo

January 27 (Agencies): India nung Target Olympic Podium (TOP) Committee tasenba Hokolbarnü shimshiba nung Abhinav Bindra, Medenbuba shimogo. Iba committee ajanga India nunger Olympic nung shilem agitsü asoshi sempet balala aketer shimtsü.
Iba committee nung taoba mapang asemteper, PT Usha, aser badminton asayar Prakash Padukone nata shima lir. Iba nisung ter agi akümba committee nung ya Anjali Bhagwat aser 2000 Sydney Olympics nung Bronze angula, weightlifter, Karnam Malleswari nungera shimoka lir. Iba committee nung ya, All India Tennis Association (AITA) Life President, Anil Khanna, Boxing administrator PK Muralidharan Raja, Railways Sports Promotion Board Secretary, Rekha Yadav, SS Roy, ED (Teams) SAI aser Joint Secretary (Sports), Inder Dhamija nungera densema lir.
Iba TOP committee ajanga 2020 aser 2024 Olympics games nung shilem agitsü asoshi linük nungi nübu tajung shimteta teyari balala agütsütsü.