Toshiba Mitsubishi-i Karnataka nung factory lapoktsü

Bengaluru, March 23 (Agencies) : Toshiba Mitsubishi-Electric Industrial Systems Corporation (TMEIC)-i sen  million dollar 35 (Rs.233 crore dak tema) entoka power electronics factory ka Tumakuru district, Karnataka nung lapoktsü, ta Bodhbarnü metetdaktsüogo.
“Iba ‘power electronics factory’ ya TMEIC Industrial Systems India Private Limited, gari yangluba tesem anasa tan aliba ali nung lapoktsü,” ta company sangdong ka ajanga Bengaluru nung metetdaktsü.
Bengaluru  nungi kilometre 90 pilar aliba Yalladadlu yimtsüng nung aliba Vasanthanarasapura Industrial tesem nung tang lapoktsü aliba factory tasenba nung PV inverter aser motor drive inverter tem yanglutsü aser Power Supplies maneni agütsütsü.
Tesüiba mapang nunga TMEIC-i sen million dollar 65 entoka tang aliba gari yangluba factory ya lapok, ta kasa sangdong ajanga ashi.
2017 mei mapang nungi parnoki iba factory tasenba atema maparen tenzüktsü aser iba factory nung inyaktsü atema iba tesem anasa aliba nisungtem timba agitsü akok.
“Iba factory tasenba nung tajemba agi nisung 250 bo inyaktsü maongka angutsü,” ta parnoki ashi.
Sangdong ajangasa ashiba agi, PV inverter tasen aika yanglujang ta onok dang shia lir anungji kodang südir süaka mapajibo odang lirsa asütsü.
TMEIC-i alima ajunga nung India nung yanglutetba PV inverter tem prokshitsü nükjidong lir.