‘Total Primary Education’ ajangzüktetba mezüngbuba state ji Kerala kümogo

Thiruvananthapuram, Jan. 13 (Agencies): Tanü tatong Tir, Hamid Ansari-i, linük nung tang mezüng ‘Total Primary Education’ ajangzükba state ji Kerala lir, ta sangdongogo.

“Ni amanger, tanü anogo ya Kerala atema puti otsü yangluba anogo ka asutsü, kechiyong April 18, 1991 nü Kerala ya ‘fully literate state’ ta sangdonga liasü,” ta pai ashi.

“Kerala ya linük nung tanüngba (state) ajaki tatishitsü tajung agia anidaktsü state ka kümogo,” ta tatong Tir-i ashi.

‘Total Primary Education’ jenjang ajangzükba ajanga state shisaliok nung ano jenjang tasen ka ajangzüktetogo ta shia pai, ‘Athulyam’ programme ajanga Kerala nung Total Primary Education ajangzüktetogo, ta shisem.