Totzü meyoktepba ken o atema ACAUT Nagaland-i senden ayonger

Dimapur, September 7 (TYO): Ozüng alema totzü meyoktepba ken o bushisüngdangtsü atema State sorkari SIT (Special Investigation Team) ka nem mapa nunglokja inyakba ya civil society teloktem aser sendaktepa alirtem ajak den benoka kanga junga shisadangtsüla ta ACAUT Nagaland-ibo bilemer, ta sangdong ka nung metetdaktsü.
ACAUT ya nübortem indang movement ka lir aser iba jagi sendaktepba alirtem ajak indang tebilembatemji kanga tongtibang ta bilemer. Anungji,  iba dak sendakba nung civil society teloktem, kija aser tangartem ajak September 10, 2016 nikongtsütsü 2:00 ako nung Hotel Lake Shilloi Conference Hall nung senden ka amentsü ayonger, ta Media Cell, ACAUT Nagaland-i sangdong nung shia lir.