Totzü pipeline pokdoktsüba tenüng ULFA(I)-i agir

Guwahati, May 28 (Agencies): 2017 May 26 nung Dikom oil pipeline pokdoktsüba aser May 27 nung Sonari gas pipeline pokdoktsüba ya United Liberation Front of Asom (ULFA-Independent)-i tenüng agiogo.
Assam ali nungi adokba ali rongsen ajunga India sorkar-i parnok tajangzük angutsü atema amshiba ajanga iba mapa ya inyak, ta sangdong ka nung metetdaktsü.
Gas indang pipeline apokba lendong ya Charaideo district kübok Sonari nung aliba Teokghat tesem nung adalok. Iba pipeline ajanga süngulu ka nem gas agütsür. Iba lendong nung nisung asüba aser taküm samaba osang kicha mali.