Tour de France: Cavendish-i Stage 14 akok

Villars-les-Dombes, July 16 (Agencies): Britain nunger cycle toktepa anishir, Mark Cavendish-i kilometer 208.5 alizüng mezüng tonga tang tagidak Tour de France cycle tetoktepba Stage 14 tanü, Honibar nü kokogo.
Tan takok anguba ya Cavendish-i tan tetoktepba nung Stage takokba 4 buba aser Tour de France tetoktepba ajunga nung Stage takokba 30 buba ajangzüker lir.
Cavendish sülen anidaka, Norway nunger Alexander Kristoff aser world champion, Slovakia nunger Peter Sagan nati 2 buba aser 3 buba jenjang ngua liasü.
Ano külen, tan tetoktepba nung tanü tashi overall shilem nung temaba jenjang ngua, Britain nunger Chris Froome-i maneni yellow jersey asemtsü temeten anguba osanga angazükogo.