Tour de France: Froome-i Stage 18 akok; temaba jenjang nung lir

Megeve, July 21 (Agencies): Britain nunger Chris Froome-i tang tagidak 2016 Tour de France tetoktepba Stage 18 tanü, Brehostibar nü kokogo.
Tan takok anguba ya Team Sky nung densemsang, Froome-i tan tetoktepba nung Stage takokba 2 buba ajangzüker lir.
Froome-i tanü ghonda tesadang ka shi nung Sallanches nungi Megeve tonga kilometer 17 alizüng mezüng atong.
Tanü tetoktepba nung Froome sülen second 21 agi alizüng temonoba tonga, Netherlands nunger Tom Dumoulin-i 2 buba jenjang angu.
Spain nung ayonga agiba Vuelta champion, Italy nunger Fabio Aru-i Froome den second 33 agi alizüng temonoba tonga 3 buba jenjang ajangzüka liasü.
Froome-i tanü takok anguba sülen overall shilem nung 2 buba jenjang abener, Netherlands nunger, Bauke Mollema den mapang minute 3 ser second 52 agi temaba jenjang ngua, 2016 Tour de France takok maroka agizüktsüsa jenjang tajung angur lir.
Britain nungersa, Adam Yates-i Froome den minute 4 ser second 46 agi mapang tajemba ngua, overall shilem nung 3 buba jenjang anguba osang jangjaogo.
Yaküm takok marok agizüktsüsa jenjang tajung mongutetsang, Froome-i tan tetoktepba takok marok agizüka, küm 4 tsüngda nung Tour de France takok marok 3 buba agizüker akümtsü akok.