Bagneres de Luchon, July 09 (Agencies): Britain nunger Chris Froome-i kilometer 184 talang alizüng mezüng tonga tang tagidak Tour de France cycle toktepa anishitsü tetoktepba Stage 8 tanü, Honibar nü kokogo.
Defending champion, Froome-i Ireland nunger cycle toktepa anishir, Dan Martin den second 3 agi tekaraba mapang nung alizüng tonga tanü takokbaji angu.
Froome aser Martin na sülen anidaka, Spain nunger Joaquim Rodriguez-i tanü tetoktepba nung 3 buba jenjang ngua liasü.
Tan tetoktepba takok maroka agizüka, tan agi Tour de France takok marok 3 buba agizüktsü alizüng ayusang, Froome-i overall shilem nunga temaba jenjang ngua, nungtugu yellow jersey asemtsü maongka anguba osanga jangjaogo.
Tour de France: Froome-i Stage 8 akok; Yellow Jersey angu added by asungba on
View all posts by asungba →
You must be logged in to post a comment Login