La Toussuire, July 24 (Agencies): Defending champion Vincenzo Nibali-i England nunger Chris Froome den tekaraba mapang nung alizüng tonga Tour de France tetoktepba indang 19 buba stage tanü Hokolbar nü kokogo.
Froome-i tanü 19 buba stage nung takok monguaka pai overall shilem nungbo tang mezüngbuba jenjang ngua lir.
Tour de France tetoktepba indang mezüngbuba hopta nung tangar den toktepa shilem magitetaka, Italy nunger Nibali-i tangar ajak den tekaraba mapang nung kilometer 138 alizüngji tanü tongteta liasü.
Astana telok indang cycle anisang, Nibali-i second 44 agi Colombia nunger Nairo Quintana den tekaraba mapang nung alizüng tonga mezüngbuba jenjang angu.
Quintana-ia Froome den second 30 agi tekaraba mapang nung alizüng tongteta tanabuba jenjang ngutet.
Tour de France: Nibali-i 19 buba stage kokogo added by nungsang on
View all posts by nungsang →
You must be logged in to post a comment Login