Tourism Advisor Khehovi-i artist corner lapoktsüogo

Kohima, Luchii/December 01, 2019 (TYO): Kisama Heritage Village nung December 01, 2019 Deobarnü Advisor, Art & Culture and Tourism, Khehovi Yepthomi-i Artist Corner lapokja liasü, ta sangdong ka ajanga metetdaktsü.
1976 küm, Department of Art & Culture-i mezüng state art exhibition sentong ayongzüka agia liasü. Iba küm nungi tenzüka, art sentong talisa art tetoktepba aser workshop tem küm shia ayongzüka agia arudar.
Taoba mapang, Department-i Lalit Kala Academy New Delhi, All India Fine Arts & Craft Society, Zonal & Regional Art Centre nungwer den longjemer sentong balala ayongzüka agiogo. Ibayongji, Nagaland nungi sempet tajung alir artists tem tanga tesemi (State) oa shilem agitsü asoshi maongka agütsü aser iba ama mera tasen agia inyakba ajanga award balala den külemi Naga nunger nem tenüng tajung bener arutsüogo.
Nagaland nung nübur libaliro den art product jenjang ajungkettsütsü nükla yur, 2010 küm Chief Minister, Neiphiu Rio-i Artist Corner sentong tenzükja liasü.