Tourism Minister KJ Alphons-i tenangzükba agi

New Delhi, November 27 (Agencies): Hombarnü Union Minister KJ Alphons-i Rajya Sabha Chairman aser Vice President Venkaiah Naidu tsüngda Parliament züngsem asütsü tenangzükba agiogo.
Alphons ya Minister of State (Independent Charge) for Tourism lir aser pa tan ita tetenzüklen Rajasthan nungi Rajya Sabha menden atema tetokteper shinga melii takok angu.
Parliament House nung aliba Chairman indang chamber nung Alphons-i Naidu tsüngdang tenangzükba ai, ta sangdong ka nung metetdaktsü.
Iba mapang Rajya Sabha Deputy Chairman PJ Kurien aser Minister of State for Parliamentary Affairs Vijay Goel na liasü.
KJ Alphons ya 1979 batch IAS officer ka lir aser pai mezüng 2006 küm Kerala nung CPI(M)-i yaria independent MLA ka ama takok ngua yimten mapa nung tetsüng ajemok. Pai 2011 nung BJP nung aden.