Tovihoto Ayemi-i mi lendong atalokba tesem semdang

Dimapur, March 25 (TYO) : March 25, 2017 nü Parliamentary Secretary for Economics & Statistics, Tovihoto Ayemi-i Khermahal, Dimapur nung kitsük kirong lendong ajurur aliba tesem semdangogo.
Pai iba lendong agi kongshir alirtem den ajurutepa jembishinü dang parnok asoshi aria bilemtsüba shisem.
Parliamentary Secretary-i, lendong ajurur alirtem nem teyari kar danga agütsütsü asoshi district administration aser sorkar naprong den jembitsü. Tang tashi nung shirnokisa timtema aliba nüburtem yaridar nenok ajak dang kanga pelar, ta ashi.
Tovihoto Ayemi-i mi lendong atalokba tesem semdangba mapang pa den Khermahal GB aser Chairman, NPF Minority Wing aser tanga NPF ketdangsertema dena liasü.