Toyota-i India yimti toku nung Innova Crysta sayaogo

Bengaluru, May 14 (Agencies) : Toyota Kirloskar Motor-i India nung aliba yimit toku nung Hokolbarnü Innova Crysta gari sayaogo.
“Innova Crysta gari ajanga nüburtem temulung asütsü ta imlaba tang masü saka aikati iba gari saputsü onok teimla tulu lir,” ta Toyota Kirloskar Motor nung mendenbuba Vikram S. Kirloskar-i ashi.
Item gari jenjang sen 14,17,740 aser.21,12,311 (Ex-showroom Bengaluru) tsüngda agi ayoktsü atakteta lir.
Tang tangbo item gari ya diesel agi jajaba dang yanglua lir ajisüaka tarutsü nung petrol agi jajaba dena yanglutsü. Item gari nung 2.8 L diesel, six speed automatic transmission aser  2.4 L diesel five speed manual transmission engine tem inokja lir.
Iba den külemi item gari nung LED projector headlamps, ambient illumination, glove box (temokongtsü dena) aser tesülen amenertem atema auto AC nung digital display keter inokja lir.
Innova Crysta garitem nung ya lendong mapang amshitsü atema SRS airbags, ABS, Electronic Brake Force Distribution (EBD) aser Brake Assist dena inokja lir.
Item gari ya temerem, sentsü lashiba temesüng aser avant garde bronze sentsütem nung angutsü.
Kolkata nung iba gari sayatsüsang, company nung Tatong Tir Sailesh Shetty-i, tarutsü nung iba gari ya petrol agi jajaba dena yanglutsü, ta metetdaktsü.
“Tang yangluteta aliba gari ajanga sorkar-i lateta yutsüba ozüng meraksatsü. Diesel ya totzü tamajung masü kechiba süra technology shitak amshia yanglura diesel gari tem nungia petrol gari ama mokozü kanga madoktsü,” ta pai ashi.