Toyota Yaris Sedan India nung sayaogo

Monupii 18, 2018 (Agencies): Gari sapurtemi yongya ataba Yaris Sedan, ta nüngja agütsüba gari ka Toyota-i sen 8.75 lakh (ex-showroom, pan India) agi India nung sayaogo. Kasa mapang nung gari makaa ayutsü atema Toyota dealerships-i agizük tenzükogo aser Rogonü (Friday) nungi agütsü tenzükogo.
2018 Auto Expo sentong nung ‘Yaris’ sayaa liasü aser kasa model ya Yaris ‘Ativ’ aser ‘Vios’ nüngja agütsür international shishilembadak yokdar. Toyota Yaris ya J, G, V aser VX variant pezü nung angutsü. Gari ya CVT (Continuously variable transmission) aser manual transmission option nung angutsü.
Toyota Yaris design tsütsü reprangdangra, iba mid-size sedan ya taoba mapang India nung Toyota indang garitem sayaba design dang nungi balaka lir. Gari tejaklen grille tulu ka den headlights atsülangtsüa aser LED teardrop fog lights inoka yanglutsü. Iba gari premium ama sayutsü atema Toyota-i ‘chrome’ peria inoktsüogo.
Kasa segment garitem dang nungi Yaris model terprangtsü tuluba lir aser ibaji ajanga gari cabin satema angur.
Cabin telung reprangdangra, Yaris nung roof-mounted air vents den ambient illumination, acoustic aser vibration control glass, 4.2-inch TFT MID den Eco wallet, infotainment system atema hand/air gesture control, tyre Pressure Monitoring System (TPMS) aser tail lamps den LED line guide feature tem keta aliba angutsü.
Item features den külemi projector headlamps den LED line guide, LED DRLs, Shark-fin antenna, piano black interior, rear power outlets aser rear sunshade tem inoksema yanglutsüogo.
Engine tsütsü reprangdangra, gari nung single 1.5-litre 4-cylinder petrol engine inoka yanglutsü aser engine yagi 108hp tashi agütsür. Iba engine ya 6-speed manual gearbox den 7-step CVT (automatic transmission) keta aliba angutsü.
Safety atema company-i gari tetsung pezü prongla nung disc brakes, airbag tenet (driver atema knee airbag ka densema), Hill-start Assist Control (HSC), Vehicle Stability Control (VSC), tejaklen parking sensors, ABS, EBD aser ESP tem inoka yanglutsüogo.
Tawa ASEAN NCAP (New Car Assessment Program for Southeast Asia) crash tendangba mapang Toyota Yaris-i ‘five stars’ jenjang nguteta liasü.