TR Zeliang-i ’36 buba police meet’ lapoktsütsü

Dimapur, November 15 (TYO): NAPTC Stadium Chumukedima nung November 16 anepdang 10:00 ako nung Nagaland Chief Minister TR Zeliang tongti tesemdanger süa 36buba Police meet lapoktsütsü.
Police meet mapang police unit shia nungi ‘Family welfare’ temi teka mapa aser ano oset tajung aika ayokdak dokan 30 shi lapoktsü.
Family welfare indang dokan temji Chief Minister kinungtsüi lapoktsütsü. Iba Family Welfare ya DGP Nagaland aser kinungtsü na tebilemba nung küm pongu odang aliba tan shia arur.
Tan Police meet ya Family welfare tem yagi kanga ajungmesotsü imlar.
Ano naro petben tarensena ayuba tetoktepba aser süng mesüra au agi yangluba oset tem ajanga nüburtem tali jangradaktsütsü.