TR Zeliang-i asür Bongnao mang ayimer

Dimapur, August 10 (TYO) : August 9, 2015 nü Mon jila nung Bongnao ajungbena asüba osang angashia temulung raksar ta Nagaland Chief Minister, TR Zeliang-i tanü sangdong ka nung metetdaktsü.
Asür Bongnao ya 1993 küm Nagaland Legislative Assembly nung züngsem aküm aser 1998 nunga pa tanaben 43-Tapi Assembly Constituency nungi tetokteper melii takok angu. Pa ya kanga dang bendanga agüja inyakba lennir ka liasü aser nübortem ajungkettsü asoshi inyak, ta TR Zeliang-isa sangdong nung shia lir.
Pai iba akümli toktsür aoba ajanga Nagaland aser talisa Mon nung alirtem asoshi lennir tajung ka samaogo. Ni aser kü kinüngtsü künaprongi tasür kibong den asüku lemsateper aser Tsüngremi anisüngzük aser tashi agüjang ta sarasademtsür, ta Nagaland Chief Minister-isa sangdong nung metetdaktsü.