TR Zeliang-i gari lenmangtem atema senden amen

Dimapur, May 5, 2023 (TYO): Nagaland Deputy Chief Minister TR Zeliang-i Honibarnü National Highways (PWD), National Highways Infrastructure Development Corporation Ltd. (NHIDCL) aser Border Road Task Force (BRTF) den külem senden ka ayonga menogo.

Taoba Chief Minister TR Zeliang-i National Highways mapa agizükba sülen Nagaland nung road projects implementing agencies ajak külem senden tanü mezüng ayonga amen.

“DPR specifications aser Contract Agreements nung aliba ama NH, PWD, NHIDCL aser NRTF ajanga gari lenmang mapatong ajak mapang shitak nung renemtsü metetdaktsür” ta TR Zeliang-i ashi.

“Nagaland nung gari lenmang ajak ya nübortem ajangzüktsü atema alizüng yur yanglutsüla. Minister In-charge ka ama ni State sorkar aser nübortem dang Nagaland nung National Highways indang osang mapang shia ashitsüla anungji lenmang tajung ayutsübaji kü indang nükjidong lir” ta paisa metetdaktsü.